He turanga reo Maori ki Te Pua Wananga ki te Ao He Ahorangi Tuhono i te hotaka Te Reo Maori (Te Tohu Paetahi) Kei nga matanga reo o te motu, anei te reo whakahei o Te Pua Wananga ki te Ao, otira, Te Whare Wananga o Waikato kia aronui mai koutou ki tenei turanga whakaako i to tatou reo tapu, tuauriuri, whaioio.
He karanga tenei ki te hunga e pikoko ana, e ngakaunui ana, e manawawera ana ki te whakaako i to tatou reo rangatira, ka mutu, te mahi ngatahi, a ropu hoki otira, te nanao i nga kaupapa reo Maori-tonoa mai.
Nga tohu/pukenga ka hiahiatia: Ko nga tohu matua kua whakawhiwhia ketia e te kaitono, ko nga pukenga/wheako kei to kete hoki Hei Ahorangi Tuhono: Ki te riro i te tangata totika me whai tohu kairangi reo Maori.
Me matatau ki te reo Maori me nga tikanga Maori, ka mutu, me whai pukenga, tohu whakaako, wheakotanga hoki ki te whakaako i to tatou reo rangatira ahakoa te taumata.
Me mohio pai ki te kukume tauira ma te whakaako i nga huarahi whakararata, auaha hoki.
Ahakoa kei Kirikiriroa tenei turanga me ahei ki te tautoko i te hunga kaiako mai, tauira mai ki to matou akoranga ki Tauranga.
I ko atu i ena, me marama pai ki te ao rangahau; te tono putea rangahau, te ata whakarite hotaka rangahau reo Maori ano hoki.
Hei whakakapi, kua arahi i tetahi mahi rangahau, kua mahitahi ranei i tetahi kaupapa rangahau kua eke ki nga taumata teitei o angitu.
Kati, me mohio pai hoki ki te tauawhi, ki te arahi, ki te tohutohu i te tauira paerua, kairangi hoki.
Te utu: Ka rite te taumata utu ki to te matatau o te kaitono ki ana pukenga, matauranga, wheako hoki e ai ki te tunga nei.
Ma te Ahorangi Tuhono: $132,540 ki te $146,190 ia tau.
Tirohia nga hononga kia panuitia nga ahuatanga mahi mo te tunga Ahorangi Tuhono.
Ko te Tangata - For the People The University of Waikato prides itself on the quality of its engagement with the communities that it serves, the provision of a world-class education and the national and international impact of its research.
Our policies are guided by the principles of the Treaty of Waitangi and equal opportunity for all.
E herea ana te Whare Wananga ki te kaupapa kia whakaratohia te mea angitu orite ki nga tangata katoa Whakapa mai ki a Ahorangi Tuhono, Sophie Nock imera:****** Ra aukati: Kei te noho tuwhera i tenei wa (ki Aotearoa) Apply here