Ko wai ma matou
Ko Tatauranga Aotearoa te tari matua o te motu, a, he turanga ahurei tona ki te tautoko i nga whiriwhiringa me nga whakatau a te Kawanatanga, a nga whakahaere Maori, nga iwi, nga umanga, nga ropu o waho o te Kawanatanga, otira te iwi whanui, ia ra, ia ra. He mea ata whakatahuhu o matou anga, to matou ahurea me ona punaha kia hangai katoa ki nga kiritaki - kua oti katoa matou te whakangungu, kua anga atu ki runga i te mahi tahi mo te whainga nui:he whakamahi i te raraunga kia piki ake te noho a te tangata i te ao nei.
He aha ta matou e kimi nei
E kimi ana matou i tetahi Pouwhakahaere tautohito e u ana ki te whakapiki i nga hua ka puta mo ngai Maori, hei arahi i to matou kahui e kia nei Te Tohu Rautaki Angitu Maori (TTRAM) i Tatauranga Aotearoa.
Ka mahi koe i raro i te Kaihautu Director Maori, a, mau hei whakatuturu te mahi a te ropu nei ki te mahi tahi ki te iwi Maori nui tonu i raro i Te Tiriti o Waitangi, a, mau e arataki te ropu kia tupu ano te mana me te hira o te Tiriti puta noa i Tatauranga Aotearoa, hei tino whakapiki i to matou mahi tahi ki te iwi me ngai Maori i te punaha raraunga.
Ka riro hoki mau e hora mai te noho raupapa, te aratakinga me te haututanga ki tenei ropu, puta noa i te whakahaere, mau e ata tohutohu i runga i te marama, ka hautu koe i tetahi rautaki totika, he rautaki ka taea te whakatinana, me te whakawhiti korero mo te kitenga o te kahui i roto i Tatauranga Aotearoa.
Hei mema taketake hoki koe mo Te Ropu Pumanawa Whakahaere Ratonga, ara, mo te Kahui Kaihautu Matamua o Tatauranga Aotearoa, a, ka noho hoki koe hei kairiwhi mo te Kaihautu ina hiahiatia.
Ka noho haepapa Te Tohu Rautaki Angitu Maori mo te hanganga pumanawa i roto i Tatauranga Aotearoa, kia tautoko ai ta matou whakapiringa atu ki nga iwi me ngai Maori i o ratou hiahia raraunga, me o ratou tumanako katoa kia noho, kia toitu te ora hei tangata Maori.
Me ki, ka noho haepapa te ropu mo te whakapikinga i te toiora o ngai Maori ma te horanga o nga hua raraunga whakapiki mana.
Ma te tuhono atu ki nga iwi me ngai Maori kia hohonu te piringa kia whakapikia to ratou whainga wahi ki te punaha raraunga, kia tautokona hoki te horanga o te turanga mana o Tatauranga Aotearoa ma nga whainga i hangaia tahitia, auaha hoki, e tauawhi nei i te ao Maori, e taea ai.
Ka whakaata te matauranga o te kahui i to matou hiahia kia pai ake te hora i nga putanga mo ngai Maori me nga hononga toitu ki te iwi me ngai Maori. E whai ana ano hoki matou kia whakapikia nga pumanawa o Tatauranga Aotearoa puta noa i te whakahaere katoa, kia taea ai e matou te mahi tahi me ngai Maori me te whakapiki ano i te mana.
E tutuki ai o mahi i tenei turanga
Me tangata tautohito koe i roto i nga mahi katoa o te kawanatanga, a, he matatau koe ki te arahi i te tangata, kua mohiotia to ingoa mo te hautu kaupapa pakihi, he ngahau ki a koe te whakahaere me te whakawhanake kahui. He rawe o pukenga korero ki te tangata, waihoki o pukenga whakahaere, a, he mohio koe ki te whakamahi i tetahi ara whakawhanaunga e puta ai he whakapikinga ake i te takanga o te wa, me te horanga whai tikanga, whai hua hoki o nga ratonga.
He mea taketake to mohio tuturu me to maramatanga ki Te Tiriti o Waitangi, nga tirohanga Maori, ona uara me ona tikanga kei raro ano, a, he matatau koe ki te korero i te reo, ka marama hoki ki nga tikanga Maori. Ma to tautohito ki te noho tahi, ki te kawe hoki i nga whakaaro o nga iwi, me nga ropu Maori, ka ngawari noa to noho i runga i te turanga nei, waihoki to mohio ki te tautohu wawe, ki te whakawhiti korero hoki mo nga hiahia me nga awangawanga o ngai Maori i roto i te horopaki kawanatanga.
e aha nga painga mou?
Ka uru koe ki tetahi horopaki e ngawari ana te mahi tahi o nga tangata katoa, ahakoa te ira, ahakoa te momo iwi, te whakapono, te ao taketake o tena, o tena. To matou whainga he hora i tetahi wahi mahi e puta ai nga whainga wahi mo ratou kia:
whai mahi whakaoho hinengaro, mahi matahuhua, mahi whakamiharo hoki ma ratou
whakawhanake, kia whakatupu hoki i o ratou ara i te ao mahi
mahi tutika mo te taha ora me te mahi, me te
mahi i runga ano i nga tikanga kakama, hihiri, ngawari hoki.
He tino mea nui ki a matou te tangata, a, he mea nui hoki to pakari, to manawanui me to hinengaro pakiki.
Mehemea he tangata kai-ngakau, he tangata whai pumanawa koe e whakaaro ana, ma te tuhono mai ki te punaha rauropi tatauranga o Aotearoa ka taea te whakapiki i te noho a nga iwi me ngai Maori, tena tuhono mai!
Nga taipitopito hoapa
Mehemea he rite te ahua o enei whakamarama ki a koe, tena pawhiritia Tono mo tetahi kape o te whakaahua o te turanga, panuku atu hoki ki raro o te wharangi ka pawhiri i te honongaPD - Senior Manager TTRAM FINAL.pdf
Mo etahi atu mohiohio mo tenei tunga tena whakapa mai Rhonda Paku on 021 472 300 imerati**********.
Ranei. Mo etahi atu korero mo te mahi mo matou tirohia *****
Ka kati nga tono a te: 20 o Paengawhawha, 2020
You can also view the English version of the advert CLICK HERE
